आखिर बालेन शिक्षकलाई किन जरिवानाको सट्टा धन्यवाद दिए

   बालेनले दिए शिक्षकलाई धन्यवाद

 

काठमाडौँ। चैत्र २० गते शिक्षक महासंघले काठमाडौँमा आन्दोलन गर्न लागेको छ। शिक्षकहरूको माग छ कि शिक्षा शिक्षा नीति पारित गरियोस् भनेर नेपालभरिको शिक्षकहरू काठमाडौँमा आन्दोलन गरिरहेको छ। काठमाडौँ भ्यालीमा बाटोमा बसेर नारा लगाएर नेपालभरिको शिक्षकहरू आन्दोलन गर्न लागेको छ।

सार्वजनिक सम्पतिलाई हानीनोक्सानी नपुर्याई शान्तिपूर्ण आन्दोलन गरेकोमा काठमाण्डौं महानगरपालिका मेयर बलेनले शिक्षकहरुलाई धन्यवाद दिएका छन्।  

बालेन शाहले आफ्नो फेसबुक स्टाटसमा लेख्नुहुन्छ कि:

प्रीय शिक्षकहरू,

तपाईहरूले आफ्नो आन्दोलन फोहोर नगरि, केहि नभत्काइ गरि दिनुभयो, धन्यवाद । हामीले जरिवाना खोजेको होइनौँ, चेतना खोजेको हो । सार्वजनिक सम्पति पनि आफ्नै सम्पति हो भनेर त्यसलाई जोगाउने चेतनशील समाजको निर्माण गर्न खोजेको हो । यहि शिक्षा तपाईले आफ्नो विद्यार्थीहरूलाई पनि दिनुहोला । 

हामी सबै मिलेर चेतनशील समाजको निर्माण गरौँ । तपाईहरू त झन् शिक्षक हुनुहुन्छ, तपाईहरूको त झन् ठुलो जिम्मेवारी र भुमिका छ यसमा ।

कृपया, आफ्नो कुरा राख्नलाई चेतनशील भएर विद्यार्थीहरूको पढाइ नबिगारी कार्यक्रम गरिदिनुहोला । गाउँ गाउँमा सिहदरबार भन्ने त नारा मात्र भयो । आशा छ एकदिन आफ्नो अधिकारको लागि काठमाडौ धाइरहनु नपरोस् ।

अरु संघ संगठनका आन्दोलनकारीहरू काठमाडौँमा लोहन गर्दाखेरि सार्वजनिक सम्पत्तिलाई धेरै क्षति पुर्याएको थियो भने आज शिक्षा महासंघले आन्दोलन गर्दाखेरि केही क्षति नगरेको पाइएको छ। जुन शिक्षकहरूको एउटा बुद्धिमानताको कुरा हो भनेर काठमाडौँ महानगरपालिकाको मेयर बालेन शाहले आफ्नो स्टाटसमार्फत शिक्षकहरूलाई हृदयदेखि नै धन्यवाद दिएको छ।